A Clash With The Knight by Sofia - RF00046

“Hindi ako perpekto at sa pamamagitan ng pagsasabi sa akin ng mali ko, lalo ko pang gagalingan. I don’t take it personally…” Lancelot “Knight” Valdrez is the most popular young adult writer in the country. Seventeen years old pa lang siya pero nakakuha na ng mahigit isang milyong follower sa social media, may sold-out books, gagawing movie ang libro, at na-invite mag-aral sa Bright Minds Academy, ang school na ilang beses na nag-reject dito. Nasa lalaki na ang lahat. Pero hindi iyon ang tingin ni Sylvie dela Paz, ang bagong kaklase ni Lancelot. Hindi karapat-dapat ang lalaki sa Bright Minds Academy o sa kasikatang meron ito. He is not brilliant. Hindi niya maintindihan kung paanong naging sikat ang libro ni Lancelot, samantalang puro loopholes, typo errors at mali-mali naman ang grammar. It is a major turnoff for her. At sa harap ng mga fans nito, hindi pinalampas ni Sylvie ang pagkakataong ipamukha kay Lancelot kung ano ang tingin niya sa lalaki. “Sa palagay mo ba binabasa ang kuwento mo dahil magaling kang writer o baka naman kaya gusto lang nila ang kuwento mo dahil guwapo ka?” Simula na ang giyera. Sylvie is now Public Enemy Number One for Lancelot.